Í útjaðri frumskógarins sem þekur Shimba Hills þjóðgarðinn í Kenya er húsið Forest View með útsýni yfir Sable dalinn. Glæsilegt 5 herbergja húsið er í eigu hjónanna Borgars og Elínar sem ákváðu eftir 30 ára flakk um Austur-Afríku að reisa hús í frumskóginum innan um villt dýrin.

Hér er tilvalið fyrir vini og fjölskyldur að upplifa frið og ró innan um fugla og frumskóginn í Shimba Hills. Auðvelt er að fara í stuttar gönguferðir frá húsinu og kynnast aðeins mannlífinu í þorpunum allt í kring. Frá húsinu er innan við klukkutíma akstur niður að Diani ströndinni með sínu litríka og fjölbreytta mannlífi. Við skipuleggjum einnig safaríferðir í marga af þeim einstöku þjóðgörðum sem eingöngu finnast hér í Kenya.