Afríka Ævintýraferðir - afrika.is
Fara beint í leiðakerfi vefjarins

Um okkur

Það var árið 1992 að Borgar Þorsteinsson fór sína fyrstu ferð til Afríku og ferðaðist um álfuna í 6 mánuði. Borgar hefur jafnframt ferðast mun víðar á framandi slóðum, m.a. farið um stóran hluta Asíu og Suður-Ameríku en alltaf hefur Austur-Afríka heillað hann mest enda ótrúlega heillandi og fjölbreytt álfa. Borgar hefur farið til Afríku á hverju ári síðan 1992 (og yfirleitt oft á ári) í bæði stutta sem langa leiðangra.

Árið 1997 stofnaði Borgar ferðaskrifstofuna Explore Africa (Afríka Ævintýraferðir) í Nairobi, Kenya ásamt Elínu Þorgeirsdóttur eiginkonu sinni. Elín og Borgar hafa jafnframt búið um hríð í Kenya og er óhætt að fullyrða að fáir Íslendingar þekki Austur Afríku jafnvel og þau hjónin. Þar eiga þau einnig innfædda vini sem þau heimsækja þegar tækifæri er til.

Afríka Ævintýraferðir sérhæfir sig í sannkölluðum ævintýraferðum til Austur Afríku. Viðskiptavinir njóta reynslu þeirra hjóna auk hinna innfæddu fararstjóra því að þeir þekkja bestu gististaðina, bestu staðina til að sjá dýrin og hvenær er best að fara að skoða ákveðin dýr. Oft geta fararstjórar beint viðskiptavinum á fáfarnari staði sem magnar enn meira þá sterku upplifun sem Afríka býður upp á.

Ferðir Afríku Ævintýraferða hafa þróast í gegnum árin og við höfum hlustað vel á viðskiptavini okkar. Við höfum mætt óskum viðskiptavina okkar um léttari ferðir með miklum gæðum í gistingu og mat. Þannig geta flestir farið og upplifað undraveröld Afríku áhyggjulaust um leið þeir njóta góðrar slökunar í fríinu sínu. Við höfum ávallt haldið fast í þá stefnu okkar að vera með smærri hópa og veita persónulega fararstjórn. Þú getur lesið meira um fararstjóra okkar í kaflanum Fararstjórar

 Augnablikið

Allir að segja síííís! Lagt af stað á Mt. Kenya

 Vissir þú

Lægsti punktur Afríku (næst lægsti í heimi) er Lake Assal í Djibouti, en vatnið er 153m fyrir neðan sjávarmál

 Myndir úr ferðum

Myndir úr ferðum

 Myndskeið úr ferðum

Myndskeið úr ferðum

 Fyrirspurnir

Viltu vita meira um ferðir og fyrirkomulag?

Sendu fyrirspurn