Upp frá sléttum Tansaníu rís Kilimanjaro hæsta fjall Afríku og teygir sig í 5.895 m hæð yfir sjávarmáli. Við hjá Afrika.is höfum skipulagt fjölmarga leiðangra á „Kili” í gegnum árin og aðstoðað nokkuð hundruð Íslendinga við að ná takmarki sínu að standa á toppi Kilimanjaro.
Í Kenya er annað hæsta fjall Afríku og ber nafn landsins: Mt. Kenya. Það er 5.199 metra hátt og hefur þrjá tinda, Batian (5.199m), Nelion (5.188m) og Lenana 4.985m). það er Lenana tindurinn sem að stefnan er tekin á í þessari fjölbreyttu en nokkuð krefjandi göngu. Það er ekki tæknilega erfitt að komast á Lenana tindinn en hæðin er mikil og minna súrefni en við sjávarmál. Landslagið er fjölbreytt og gengið er í gegnum nokkur gróðurbelti en efst á fjallinu er von á snjó.
Í aldaraðir hefur Afríka laðað til sín fólk í leit að ævintýrum sem ekki gefst færi á að upplifa annars staðar. Fáir staðir í heiminum eru jafn framandi og sveipaðir eins mikilli dulúð. Óvíða er dýralífið jafn fjölbreytt og mannlífið og menningin eins litrík.
Langar þig til Afríku í góðra vina hópi? Viltu fara með fjölskyldunni eingöngu? Viltu fara á eigin vegum? Við getum aðstoðað þig við að útbúa draumaferðina.
